Huling El Bimbo

Umaga. Bukohan. Kasalukuyan akong abalang nag-aaral para sa aking huling pagsusulit sa aking paboritong asignaturang QUADLEC nang bigla akong napatingin sa katapat naming mesa. Nagulat ako sa aking nakita. Ako'y natigilan. Parang biglang huminto sa pag-ikot ang mundo at hindi bigla na lang hindi ko na alam kung ano ang aking ginagawa. Hindi ko akalain na ganito pala kalakas ang tama ko sa kanya. Noong nilagay ko ang post na sa tingin ko ay napapabaliktad nya ang mundo ko, hindi ko naisip na ganito pala iyon. Noong mga oras na yon ang nasa isip ko lang hindi sya ang dahilan kung meron mang naging pagbabago sa mga marka ko sa mga pagsusulit. Tapos eto? Marahil nagulat lang ako, hindi ko kasi inaasahang makikita sya ngayong araw na to. Pero nagulat pa rin ako sa naging reaksiyon ko. Ano na ba tong nangyayari sa akin?! Tunay na crush ba ito?! Wahaha. La lang. Sa palagay ko, lilipas rin ito. Bakasyon naman eh...

AAAAAAAHH!!! Sa wakas tapos na ang terminong itooooo!!!

Sorpresa

Hanggang ngayon ay hindi pa rin ako makapaniwala. Nakatatak pa rin sa isip ko na kailangan kong makakuha ng perpektong marka upang pumasa. Bakit ba tiningnan ko pa ang bagay na yon kanina? Hindi ko tuloy malaman kung ano ang aking mararamdaman. Hindi kasi mukhang tama na magsaya ako na ang iba kong kasama ay patuloy pa ring nangangamba sa kanilang kalagayan. Ikaw ba ano ang gagawin mo kung ikaw ang nasa aking kalagayan? Nagulat talaga ako. Pero nagpapasalamat na rin ako dahil sa wakas, makakawala na rin ako sa kadilimang dulot ng mga asignaturang iyan...

Sukat

Ano nga ba ang mas matimbang, ang makakuha ng isang bagay na hindi mo inaasahan o ang makamit mo ang isang kabaliwan? Ngunit hindi ako tumitigil na umasa na makita syang bumababa sa hagdan, marahil hindi pa lang ito ang tamang panahon. Ngunit kailan?